68 ta qoidabuzarlik sodir etgan kuyov jarima toʻlashdan bosh tortdi

Andijon shahrida fuqaro yashovchi M.A. turmush oʻrtogʻining egaligidagi “Lacetti” avtomashinasini boshqarib 68 marotaba maʼmuriy huquqbuzarlik sodir etgani aniqlandi. Viloyat IIB YHXB organlari tomonidan Majburiy ijro byurosi fuqarodan jami 28 million soʻm undirishi belgilangan. Ammo ogohlantirishlarga qaramasdan belgilangan pulni toʻlamagan mashina egasining mashinasi jarima maydoniga olib kirilgan.

Kuyovi M.A. boshqaruvida sodir etilgan 68 ta jarimani qaynotasi toʻlashga roziligini bildirdi va qizining egaligidagi avtoulov jarimalar maydonidan olib chiqildi.