Andijonda Damas va Nexia-3 ishtirokida YTH sodir boʻldi

Andijonda Damas va Nexia-3 ishtirokidagi YTHda bir yoʻlovchi jarohat oldi. Hodisa yuzasidan Andijon viloyati IIB Yoʻl harakati xavfsizligi boshqarmasi maʼlumot berdi.

Qayd etilishicha, 2 iyun kuni Andijon tumanidan Oltinkoʻl tumaniga qarab harakatlanib ketayotgan 26 yoshli X.J. oʻzining Nexia-3 rusumli transport vositasida qayrilib olish joyida qarama-qarshi tomondan kelayotgan Damas rusumli transport vositasini oʻtkazib yubormasdan keskin ortga qayrilib yuborgan.

Ushbu YTH oqibatida Damas rusumli transport vositasidagi yoʻlovchi N.Z. tan jarohati olib tuman shifoxonasiga murojaat qilgan.

Hozirda holat yuzasidan Oltinkoʻl tumani IIB Yoʻl harakati xavfsizligi boshqarmasi xodimlari tomonidan surishtiruv ishlari olib borilmoqda.