Oʻzbekistonlik ayollar Turkiyaga kelin boʻlish boʻyicha dunyoda birinchi oʻrinni egalladi

Oʻzbekiston ayollari Turkiyaga kelin boʻlishda yetakchilik qilishmoqda. Bu haqdagi statistika eʼlon qilindi.

Eʼlon qilingan statistikaga koʻra, oʻzbekistonlik xotin-qizlar Turkiyada 2015 yildan beri xorijlik kelinlar orasida son jihatdan birinchi oʻrinni egallab turgan Suriyalik ayollarni ortda qoldirdi. Oʻtgan 2023 yil davomida 3716 nafar oʻzbekistonlik ayollar turkiyalik erkaklarga turmushga chiqishgan.

Ikkinchi oʻrinni Suriya 3519 ta nikoh bilan, uchinchi oʻrinni esa Ozarbayjon 2818 ta nikoh bilan band qilgan. Keyingi oʻrinlarda esa Rossiya va Germaniya davlatlari turibdi.