Qashqadaryoda maktab direktori 9-sinf oʻquvchisini kelin qilgani aytilmoqda (video)

Ijtimoiy tarmoqlarda “Kosondagi maktab direktori voyaga yetmagan qizni kelin qildi” mazmunidagi video tarqaldi.

Holatga Bolalar ombudsmani oydinlik kiritdi.

Maʼlum qilinishicha, Koson tumanidagi 59-maktab direktori R.S. haqiqatdan ham joriy yilning 27 noyabr kuni farzandi X. X. ni nikoh toʻy marosimini oʻtkazgan.
Video lavhadagi maktab direktorining kelini B.N. hozirda umumiy oʻrta taʼlim maktabi oʻquvchisi emasligi aniqlanib, shaxsini tasdiqlovchi hujjatlariga koʻra, u 29.10.2005 yilda tugʻilib, hozirda voyaga yetgan (18 yosh), deyiladi xabarda.