“Salimboyvachcha” qoʻlga olingani aytilmoqda

1 dekabr kuni kechqurun Oʻzbekiston huquq-tartibot idoralarining maxsus boʻlinmalari tomonidan “Salimboyvachcha” laqabi bilan tanilgan Salim Abduvaliyev qoʻlga olindi. Bu haqda UzNews.uz manbasi xabar berdi.

Maʼlumotga koʻra, Salim Abduvaliyev Toshkent shahrida joylashgan “oq uyi”dan olib ketilgan.

Eslatib oʻtamiz, avvalroq, Toshkent shahrida kriminogen vaziyatni yaxshilash boʻyicha keng qamrovli tezkor-profilaktik tadbirlar oʻtkazilayotgani haqida xabar berilgandi.