Yuqori barqarorlik reytingi – imtiyoz va yengilliklar kafolati

Surxondaryo viloyati soliq boshqarmasi xodimlari Termiz shahridagi tadbirkorlar bilan uchrashib, tadbirkorlik subʼektlarining barqarorlik reytingi toʻgʻrisida tushuntirish ishlarini olib borishmoqda. Navbatdagi manzil «Amudar textile» masʼuliyati cheklangan jamiyati hamda «Doktor A» xususiy klinikasi boʻldi.

Bevosita muloqotlarda tadbirkorlarga baholash mezonlari, barqarorlik reytingida yuqori koʻrsatkichlarga erishishda soliq majburiyatlarini oʻz vaqtida bajarishning ahamiyati, yuqori barqarorlik reytingidagi tadbirkorlarga qoʻllaniladigan imtiyozlar va yengilliklar haqida batafsil maʼlumotlar berildi.

Tadbirkorlarga barqarorlik reytingi koʻrsatkichlarini hisoblash davriyligi, soliq toʻlovchi tomonidan tegishli oʻzgarishlar kiritilishi bilan koʻrsatkichlar onlayn yangilanib borilishi tushuntirildi.