Oʻzbekistonga turkiyalik sayyohlar tashrifi 5,8 foizga oshgan

Statistika agentligi bergan maʼlumotlar shu yilning yanvar-aprel oylarida 31,4 ming nafar Turkiya fuqarolari turistik maqsadlarda mamlakatimizga tashrif buyurganini koʻrsatmoqda. Oʻtgan yilning mos davri bilan solishtirganda bu koʻrsatkich 5,8 foizga oshganini koʻrish mumkin.

Sayyohlarning 13 444 nafari qarindoshlarini yoʻqlash, 12 661 nafari sayohat, 4 833 nafari xizmat yuzasidan, 410 nafari tijorat, 42 nafari oʻqish va 17 nafari davolanish maqsadida Oʻzbekistonda boʻlgan.