Seminar tashkil etildi

Surxondaryo viloyati davlat soliq boshqarmasida qurilish sohasida faoliyat olib borayotgan tadbirkorlik subʼektlari uchun seminar tashkil etildi.

Tashkil etilgan seminarda 2022 yil 1 yanvaridan eʼtiboran soliq solish tartibiga kiritilgan oʻzgartishlar va yangiliklar xususida atroflicha maʼlumotlar berildi.

Seminar davomida hisobchilarga mutlaqo yangi tizim “E-aktiv”, “E-imtiyoz” va “E-ijara” avtomatlashtirilgan axborot tizimida ishlash tartiblari video qoʻllanmalar yordamida batafsil tushuntirildi.
-Seminar men uchun juda qiziqarli va foydali boʻldi, -deydi “Jayxun OKS Qurilish bunyodkor” MChJ buxgalteri Muqaddam Rasulova. – Masalan “E-aktiv” axborot tizimida asosiy vositalar, nomoddiy aktivlar va tovar-moddiy qimmatliklarni roʻyxatga olish, sotib olish, qurish, ishga tushirish, qayta baholash, tasarruf etish, shuningdek, ustav fondini shakllantirish va kamaytirish bilan bogʻliq barcha operatsiyalarni qanday aks ettirish kerakligini oʻrgandim. Shuningdek, “E-imtiyoz” va “E-ijara” avtomatlashtirilgan axborot tizimidan foydalanish tartiblari xususida keng taasurotga ega boʻldim. Buning uchun seminar tashkilotchilariga minnatdorchiligimni bildiraman.

Seminar yakunida tadbirkorlar oʻzlarini qiziqtirgan savollarga atroflicha javob oldilar.

Surxondaryo viloyati DSB Matbuot xizmati