AQSHning yangi bombardimonchi samolyoti ilk parvozini amalga oshirdi

AQSH Harbiy-havo kuchlarining eng yangi yashirin bombardimonchi samolyoti, yadro qurolini olib yurishga qodir B-21 Raider birinchi parvozini amalga oshirdi. Bu haqda Reuters xabar berdi.

U Kaliforniyadagi Northrop Grumman obyektlaridan biridan havoga koʻtarilgan. B-21ʻning parvoz vaqti haqida hozircha maʼlumot berilmagan.

Oʻzidan oldingi B-2 kabi qanot dizayniga ega boʻlgan B-21 havoda yonilgʻi quyish imkoniyatlaridan foydalangan holda uzoq masofaga ham oddiy, ham yadroviy qurollarni dunyo boʻylab yetkazib bera oladi.

Nashrning yozishicha, har bir samolyotning narxi taxminan 750 million dollarni tashkil etadi.