Dividendlar va foizlar tarzidagi daromadlar bo‘yicha soliq imtiyozlari muddati uzaytirildi

Dividendlar va foizlar tarzidagi daromadlar bo‘yicha soliq imtiyozlari muddati uzaytirildi

O‘zbekiston Respublikasining 891-sonli Qonuni (https://t.me/soliqnews/12180)bilan dividendlar va foizlar tarzidagi daromadlar bo‘yicha soliq imtiyozlari muddati yana 4 yilga uzaytirildi.

Qonunga muvofiq 2022-yil 1-apreldan 2028-yil 31-dekabrgacha:

–O‘zbekiston Respublikasining rezidentlari va norezidentlari bo‘lgan jismoniy shaxslarning (aksiyadorlarning) aksiyalar bo‘yicha dividendlar tarzidagi daromadlari jismoniy shaxslardan olinadigan daromad solig‘idan ozod qilinadi;

–O‘zbekiston Respublikasining norezidentlari bo‘lgan yuridik shaxslarning (aksiyadorlarning) aksiyalari bo‘yicha dividendlar tarzidagi daromadlariga foyda solig‘i bo‘yicha 5 foiz miqdorida soliq stavkasi qo‘llaniladi;

–O‘zbekiston Respublikasining rezidentlari va norezidentlari bo‘lgan jismoniy va yuridik shaxslarning xo‘jalik jamiyatlari obligatsiyalari bo‘yicha foizlar tarzidagi daromadlari jismoniy shaxslardan olinadigan daromad solig‘idan hamda foyda solig‘idan ozod etiladi.