Oʻzbekiston futzal terma jamoasi Qozogʻiston bilan oʻynaydi

Futzal boʻyicha Oʻzbekiston terma jamoasi shu yil 7 va 9 aprel kunlari Qozogʻiston terma jamoasiga qarshi bahs olib boradi. Bu haqda Oʻzbekiston futzal terma jamoasi matbuot xizmati xabar berdi.

Dastlab uchrashuv Toshkentda oʻtishi koʻzda tutilayotgandi, ammo Oʻzbekistonda kuzda boʻladigan Jahon chempionatiga tayyorgarlik sabab oʻyinlar Qozogʻistonning Taraz shaxriga koʻchirildi.

Maʼlumot uchun, ispaniyalik mutaxassis Xose Venansio Lopes boshchiligidagi Oʻzbekiston futzal terma jamoasi 1 apreldan Olmaota shaxrida oʻquv yigʻin mashgʻulotlariga kirishdi. Yigʻinga murabbiy 15 nafar futzalchini jalb qildi.